» Cənub bölgəsindəki aqrar / ekoturizmin məkanları üçün brendləşdirmə və marketinq strategiyası hazırlanır.

Cənubi Qafqazda qrant təşkilatçılığı və proqram idarəçiliyi sahəsində tanınmış lider olan Avrasiya Əməkdaşlıq Fondunun veb səhifəsinə xoş gəlmisiniz. AƏF, regionda fəaliyyətlərini genişləndirməyə imkan verən proqramları, ideyaları, struktur və ekspertizası kimi başlıca resursları ilə Avrasiya Fondu (AF) Şəbəkəsinin üzvüdür

Cənub bölgəsİndəkİ aqrar / ekoturİzmİn məkanları üçün brendləşdİrmə və marketİnq strategİyası hazırlanır.

Avropa İttifaqının maliyyə dəstəyi ilə Avrasiya Əməkdaşlıq Fondu, “Konstitusiya” Araşdırmalar Fondu ilə birlikdə Lənkəran iqtisadi rayonunda 24 aylıq “AgriVision” layihəsini həyata keçirir. Layihənin məqsədi Azərbaycanın cənub bölgəsindəki kənd ailələrinə gəlirlərini artırmağa və Azərbaycanda şəhər ilə kənd arasında əlaqəni gücləndirməyə kömək edəcək davamlı, təkrarlana bilən aqrar/eko-turizmin inkişaf mexanizmi yaratmaq və sınaqdan keçirməkdir.

Layihənin əsas hədəflərindən biri də marketinq və brendləşdirmə yolu ilə ölkə daxilində və xarici auditoriya üçün Azərbaycanın cənub bölgəsindəki aqrar / eko-turizm məkanlarının görünürlüyünü və təbliğini artırmaqdır. Bu məqsədlə Avrasiya Əməkdaşlıq Fondu layihə çərçivəsində həyata keçirilən ekspert qiymətləndirmələrinin nəticələrinə əsasən seçilmiş bütün turizm məntəqələri üçün əsas marketinq planı və brendinq paketi hazırlayacaq mütəxəssislərindən ibarət bir heyət yaradıb. Bu heyətin tərkibinə peşəkar foto və video materiallar hazırlayacaq çəkiliş komandası da daxildir.

Marketinq planını hazırlayanlar ilk öncə aqrar/eko-turizm məkanları barədə məlumatlılıq səviyyələrini və gözləntiləri, habelə məlumat almaq üçün üstünlük verilən yolları (vasitələri) müəyyənləşdirmək üçün Bakı sakinləri – turizm məntəqələrinin potensial müştəriləri ilə onlayn sorğular və fokus qrup araşdırmaları keçirib. Daha sonra onlar seçilmiş turizm məntəqələrinə səfər edərək ordakı mövcud vəziyyətlə birbaşa tanış olublar. Həmçinin konsorsiumun üzvləri ilə marketinq təkliflərini müzakirə edərək marketinq planınının  hazırlanması üçün onların rəyləri öyrəniblər. Eyni zamanda çəkiliş komandası bu səfərlər zamanı turizm məntəqələrində çəkilişlər apararaq marketinq üçün lazım olan professional tanıtım materiallarını hazırlayıb.

Bununla yanaşı, hal-hazırda layihə regionunda təklif olunan aqrar/eko-turizm xidmətləri üçün marketinq planının vacib hissəsini təşkil edəcək brendləşdirmə paketi də hazırlanır. Paketə logolar, layihəyə seçilmiş turizm məkanları üçün vahid, tanınan və mədəni cəhətdən uyğun bir marka yaratmaq üçün vacib olan digər komponentlər daxil ediləcəkdir.

Monitorinq və qiymətləndirmə üzrə mütəxəssisləri əməkdaşlığa dəvət edirik!

Sifarişçi: Avrasiya Əməkdaşlıq Fondu (AƏF) Tapşırığın təsviri: Layihənin yekun qiymətlləndirilməsi Tapşırığın müddəti: 1 ay Müqavilənin növü: Xidmət müqaviləsi Müraciət üçün qəbul olunan son tarix: 25 sentyabr 2022 TƏSVİR / XÜLASƏ: Avropa İttifaqının maliyyə dəstəyi ilə Avrasiya Əməkdaşlıq Fondu, “Konstitusiya” Araşdırmalar Fondu ilə birlikdə Lənkəran-Astara iqtisadi rayonunda “AgriVision” layihəsini həyata keçirir. Layihənin məqsədi Azərbaycanın cənub bölgəsindəki […]

Read More Sep 11

Münaqişə Məktəbi 2 üçün Müraciət

Avrasiya Əməkdaşlıq Fondu (AƏF) Avropa İttifaqının “Bacarıqların Artırılması və Vətəndaşların İştirakı ilə Sülh Quruculuğu: Mərhələ 2” (PeaCE-2) proqramı çərçivəsində, gənclər üçün “Münaqişə Məktəbi”nə qəbul elan edir. “Münaqişə Məktəbi”nin məqsədi Azərbaycan gənclərinin münaqişə və sülh sahəsində bilik və bacarıqlarını artırmaq və beləliklə də, müxtəlif beynəlxalq platformalarda Azərbaycan və Ermənistan arasındakı münaqişə ilə bağlı aparılan müzakirələrdə uğurla iştirak edə […]

Read More Jun 16

Bakı Qida Hakatonu

Bu payızın ən məhsuldar Hakatonu – Bakı Qida Hakatonu! Press-reliz, Noyabr 2021 Noyabrın 28-də Avropa İttifaqının (Aİ) Azərbaycandakı Nümayəndəliyi, Gənc Avropa Səfirləri və Aİ-nın maliyyələşdirdiyi Avrasiya Əməkdaşlıq Fondu və “Konstitusiya” Araşdırmalar Fondunun həyata keçirdiyi “AgriVision” layihəsi ilə birlikdə təşkil edilən “Bakı Qida Hakatonu” keçiriləcək. Qlobal pandemiya şəraiti kənd təsərrüfatının innovasiyalara olan tələbini artırmışdır. “Bakı Qida […]

Read More Nov 15