XİDMƏT TƏKLİFLƏRİ ÜÇÜN MÜRACİƏT ELANI

Qafqaz Tədqiqat Resurs Mərkəzi – Gürcüstan təşkilatı Niderland Krallığının Xarici İşlər Nazirliyi tərəfindən maliyyələşdirilən, şəffaflıq və hesabatlılıq məsələlərində vətəndaş nəzarətin təkmilləşdirilməsi və bu sahələrdə Azərbaycan höküməti ilə əməkdaşlığın gücləndirilməsi üzrə innovativ ideyaların dəstəklənməsi üçün tərtib olunmuş proqram həyata keçirir. Bu proqramın tərkib hissəsi kimi onun ümumi məqsədlərinə xidmət edəcək aşağıda göstərilən istiqamətlər üzrə xidmət təkliflərinin qəbulunu 28 dekabr 2018-ci il tarixinədək açıq elan edir.

Bu xidmət təklifləri üçün müraciət elanının ümumi məqsədi vətəndaşların hökumət ilə əməkdaşlıq səviyyəsinin yaxşılaşdırılması və ictimai nəzarətin gücləndirilməsi üçün vətəndaşların səmərəli təşviqat və ictimai vəkillik bacarıqlarının gücləndirilməsidir.

Fəaliyyətlərin Münasibliyi
Münasib xidmət təklfiləri paketi əlavə olunan sənədlərdə göstərilən istiqamətlərdən biri və ya bir neçəsi üzrə, qeyd olunan yanaşmaları nəzərə alan, aydın şəkildə müəyyən edilmiş məqsədləri, dəqiq hədəf qrupları və ölçüləbilən nəticələri olan, birlikdə bütövlük təşkil edən, müstəqil fəaliyyətlər toplusundan ibarət olmalıdır.
Təqdim edilmiş xidmət təklifləri Azərbaycanda həyata keçirilməlidir.
Təqdim edilmiş xidmət təkliflərinin maksimum 12 ay ərzində həyata keçirilməsi nəzərdə tutulmalıdır.

Xidmət təklifləri üçün xərclərin ümumi dəyəri 20000 AZN-dən artıq olmamalıdır. Natamam – əsas və əlavə sənədlərdən hər hansı biri çatışmayan ərizələrə baxılmayacaq.
Ərizələr Azərbaycan dilində təqdim olunmalıdır.
Ərizələr 28 dekabr 2018-ci il tarixində yerli vaxtla saat 18:00-dan gec olmayaraq services@crrccenters.org elektron ünvanına göndərilməlidir. Gecikmiş ərizələr etibarsız hesab olunacaq. Ərizəçilər müraciətlərinin vaxtında çatmasına öhdəlik daşıyırlar.
Xidmət təkliflərini göndərən zaman e-mailin mövzü hissəsində “Xidmət Təklifləri Üçün Müraciət_Ərizəçinin adı” başlığı qeyd olunmalıdır.
Bu müraciət ilə bağlı bütün sualları services@crrccenters.org elektron ünvanına göndərə bilərsiniz. 10 dekabr 2018-ci il tarixinədək verilən suallar cavablandırılacaq. Bu tarixdən sonra daxil olan suallara cavab verilməsi mümkün olmaya bilər.

Xidmət təkliflərinin şərtləri haqqında daha ətraflı məlumat və müraciət formaları aşağıda sənəd formasında əlavə edilmişdir.

Guideline for Service Proposal

ActionPlan_Service Proposal

CostJustification_Service Proposal

ServicesDescription_Service Proposal