» Bakı Qida Hakatonu uğurla həyata keçirildi

Cənubi Qafqazda qrant təşkilatçılığı və proqram idarəçiliyi sahəsində tanınmış lider olan Avrasiya Əməkdaşlıq Fondunun veb səhifəsinə xoş gəlmisiniz. AƏF, regionda fəaliyyətlərini genişləndirməyə imkan verən proqramları, ideyaları, struktur və ekspertizası kimi başlıca resursları ilə Avrasiya Fondu (AF) Şəbəkəsinin üzvüdür

Bakı Qİda Hakatonu uğurla həyata keçİrİldİ

Noyabrın 28-də Avropa İttifaqının (Aİ) Azərbaycandakı Nümayəndəliyi, Gənc Avropa Səfirləri və Aİ-nin maliyyələşdirdiyi, Avrasiya Əməkdaşlıq Fondu və “Konstitusiya” Araşdırmalar Fondunun həyata keçirdiyi “AgriVision” layihəsi ilə birlikdə təşkil edilən “Bakı Qida Hakatonu” keçirildi.

Hakatonun əsas mövzusu sağlam qidalanma vərdişlərinin təbliği, yerli qidaların istehlakına həvəsləndirmək və Azərbaycanda qida ilə bağlı problemlər üçün innovativ həllər yaratmaqdı. Hakatonda təqdim olunan ideyalarının daha səmərəli və effektiv formada ərsəyə gəlməsi üçün 13-14 və 20-21 noyabr tarixlərində Avrasiya Əməkdaşlıq Fondu tərəfindən təlimlər həyata keçirildi. Mütəxəssislər tərəfindən keçirilən təlimlər zamanı Bakıda fəaliyyət göstərən İT və Start-up icmalarının təmsilçiləri regionlardan gələn yerli qida istehsalçıları ilə bir araya gələrək yerli qida istehsalı, paylanması və istehlakı ilə bağlı ən mühüm problemlər və imkanlar barədə bilik və bacarıqlara yiyələndi. Həmçinin, iştirakçı komandalara dəstək və köməyin davamı olaraq yerli və xarici təcrübəli mentorlar da “Bakı Qida Hakatonu”na cəlb olunmuşdur.

Qeyd edək ki, ümumilikdə 144 müraciət forması doldurulmuş və onlardan 55 nəfər iştirakçı olmaqla 13 komanda seçilmişdir. Müraciətlərin qiymətləndirilməsi zamanı iştirakçıların təcrübəli olması, təklif edilən həll yollarının innovativ və təsir gücünün real olması kimi meyarlar əsas götürüldü.

Qalibləri Avropa İttifaqının (Aİ) Azərbaycandakı Nümayəndəliyinin rəhbəri, cənab Peter Mixalko və aqrar xidmət və innovasiya sahəsində yüksək profilli ekspertlər daxil olmaqla dəvət olunmuş münsiflər heyətinin üzvləri seçdi. Münsiflər arasında “ABAD” publik hüququ şəxsin direktoru Rüfət Elçiyev, Aqrar Xidmətlər Agentliyinin sədr müavini Cəfər Məhərrəmov, Aqrar İnnovasiya Mərkəzinin (AİM) direktor müavini Anar Cəfərov və Vətəndaşlara Xidmət və Sosial İnnovasiyalar üzrə Dövlət Agentliyinin İnnovasiyalar departamentinin rəhbəri Şəbnəm Məmmədova kimi dövlət qurumlarının nümayəndələri vardı. Qaliblərin seçimi zamanı problemə yanaşma, biznes model, texnoloji tətbiqetmə, təklif olunan həll və təqdimat meyarları üzrə qiymətləndirmə aparıldı.

Qalib komanda 5000 avro, ikinci və üçüncü yeri tutan komandaların hər biri müvafiq olaraq 3000 avro və 1000 avro qazandı. Bununla yanaşı, münsiflər heyətində təmsil olunan dövlət qurumlarının nümayəndələri tərəfindən bəzi komandalara öz layihələrini icra etməkdə dəstək göstərilməsi təklif olundu.

Aİ layihəsi cənub bölgəsindəki aqro-turizm məkanlarına səfərlər təşkil edir.

“Avropa İttifaqının maliyyə dəstəyi ilə Avrasiya Əməkdaşlıq Fondu və “Konstitusiya” Araşdırmaları Fondu tərəfindən birgə həyata keçirilən “AgriVision” layihəsi çərçivəsində iyul ayının 22, 23 və 24-ü Lənkəran, Astara və Lerik rayonlarında yerləşən aqrar-turizm məkanlarına “Açıq Təsərrüfat Günləri” – ödənişsiz səfərlər təşkil edilir. Nəqliyyat, turizm məkanlarına giriş və çay süfrəsi xərcləri layihə tərəfindən qarşılanır. “Açıq Təsərrüfat Günləri” […]

Read More Jul 15

Azərbaycanda aqro/ekoturizmin inkişaf etdirilməsi üzrə Bələdçi kitabı hazırlanmışdır.

Avropa İttifaqının maliyyə dəstəyi ilə Avrasiya Əməkdaşlıq Fondu və “Konstitusiya” Araşdırmaları Fondu tərəfindən birgə həyata keçirilən “AgriVision” layihəsi çərçivəsində müstəqil yerli ekspertlər Günay Rzazadə və Şəbnəm Nuriyeva tərəfindən “Azərbaycanda aqro/ekoturizmin inkişaf etdirilməsi üzrə Bələdçi kitabı” hazırlanıb. Bələdçi kitabı fermerlərin aqro/ekoturizm fəaliyyətinə başlamasına və ya onu inkişaf etdirməsinə kömək etmək üçün başlanğıc nöqtəsi kimi çıxış edəcək, […]

Read More Jul 5

Lənkəran-Astara iqtisadi rayoununda “Məktəbdən təsərrüfata” proqramı icra olundu.

Şəhər məktəblərində təhsil alan şagirdlər bölgənin aqrar/ekoturizm məkanları ilə tanış oldular. Avropa İttifaqının maliyyə dəstəyi ilə Avrasiya Əməkdaşlıq Fondu və “Konstitusiya” Araşdırmalar Fondu tərəfindən birgə həyata keçirilən “AgriVision” layihəsi çərçivəsində Lənkəran-Astara iqtisadi rayonu ərazisində yerləşən və layihəyə cəlb olunan aqrar/eko-turizm məntəqələrində “Məktəbdən təsərrüfata” proqramı həyata keçirildi. Proqram çərçivəsində 16-25 iyun tarixlərində Bakı və digər şəhər […]

Read More Jul 2