» Aqrar / eko-turizm sahəsində biznes planların maliyyələşdirilməsi üçün müsabiqə elan olundu.

Cənubi Qafqazda qrant təşkilatçılığı və proqram idarəçiliyi sahəsində tanınmış lider olan Avrasiya Əməkdaşlıq Fondunun veb səhifəsinə xoş gəlmisiniz. AƏF, regionda fəaliyyətlərini genişləndirməyə imkan verən proqramları, ideyaları, struktur və ekspertizası kimi başlıca resursları ilə Avrasiya Fondu (AF) Şəbəkəsinin üzvüdür

Aqrar / eko-turİzm sahəsİndə bİznes planların malİyyələşdİrİlməsİ üçün müsabİqə elan olundu.

Avropa İttifaqının maliyyə dəstəyi ilə Avrasiya Əməkdaşlıq Fondu və “Konstitusiya” Araşdırmalar Fondu tərəfindən Lənkəran iqtisadi regionunda həyata keçirilən “AgriVision” layihəsi çərçivəsində biznes plan müsabiqəsi həyata keçirilir. Bu məqsədlə Lənkəran şəhəri, Heydər Əliyev Mərkəzində təşkil olunan müsabiqə haqqında info-sessiyada müsabiqənin şərtləri, seçim kriteriyaları, qaliblərin seçilməsi qaydaları, mükafat fondu və digər aidiyyatı məlumatlar verildi. Bundan başqa Lənkəran KOB İnkişaf Mərkəzinin direktoru Rafət Şirəliyev tərəfindən müsabiqə üçün ekspertlər tərəfindən hazırlanmış müraciət forması iştirakçılara təqdim olunaraq onlara bir nümunə əsasında biznes planın necə yazılması izah edildi.

30 noyabr tarixinədək davam edən biznes plan müsabiqəsi çərçivəsində aqrar/eko-turizm xidmət təminatçıları təqdim etdikləri turizm xidmətlərini təkmilləşdirmək və ya genişləndirmək, habelə Turizm Məkanları (TM) çərçivəsində yeni turizm fəaliyyətlərinə başlamaq üçün biznes plan təqdim etməyə dəvət olunurlar. Təqdim olunan biznes planlarının keyfiyyətini artırmaq məqsədilə AƏF potensial müraciət edənlər üçün məsləhət xidmətləri təşkil edəcək. Belə ki, müsabiqə müddətində biznes planını təqdim etmək istəyən qurum və sahibkarlara layihə ekspertləri tərəfindən 1 ay müddətində mentorluq xidməti göstəriləcək.

Biznes plan müsabiqəsi bir çox məqsədə xidmət edir. Birincisi, biznes planının hazırlanması və təkmilləşdirilməsi prosesi aqrar/eko-turizm xidmət təminatçılarının potensialının artırılması üçün əlavə bir vasitədir. İkincisi, biznes planlarının TM strategiyalarına uyğunlaşdırılması tələbi, turizm məkanlarının inkişafında tutarlılığı, strategiyaların tətbiqini daha da artırır və konsorsiumlardakı tərəfdaşlığı gücləndirir. Üçüncüsü, mükafat fondu TM strategiyalarının həyata keçirilməsi üçün çox ehtiyac duyulan vəsaiti təmin edir ki, bu da yeni aqrar/eko-turizm məhsullarının inkişafına kömək edir, yerli fermerlərin gəlir mənbələrini şaxələndirir və kənd yerlərində məşğulluq imkanları yaradır.

Biznes plan müsabiqəsi üçün ətraflı məlumatı Avrasiya Əməkdaşlıq Fondunun veb saytında yerləşdirilən elandan və ya info@epfound.az elektron ünvanına yazaraq öyrənə bilərsiniz.

Aİ layihəsi cənub bölgəsindəki aqro-turizm məkanlarına səfərlər təşkil edir.

“Avropa İttifaqının maliyyə dəstəyi ilə Avrasiya Əməkdaşlıq Fondu və “Konstitusiya” Araşdırmaları Fondu tərəfindən birgə həyata keçirilən “AgriVision” layihəsi çərçivəsində iyul ayının 22, 23 və 24-ü Lənkəran, Astara və Lerik rayonlarında yerləşən aqrar-turizm məkanlarına “Açıq Təsərrüfat Günləri” – ödənişsiz səfərlər təşkil edilir. Nəqliyyat, turizm məkanlarına giriş və çay süfrəsi xərcləri layihə tərəfindən qarşılanır. “Açıq Təsərrüfat Günləri” […]

Read More Jul 15

Azərbaycanda aqro/ekoturizmin inkişaf etdirilməsi üzrə Bələdçi kitabı hazırlanmışdır.

Avropa İttifaqının maliyyə dəstəyi ilə Avrasiya Əməkdaşlıq Fondu və “Konstitusiya” Araşdırmaları Fondu tərəfindən birgə həyata keçirilən “AgriVision” layihəsi çərçivəsində müstəqil yerli ekspertlər Günay Rzazadə və Şəbnəm Nuriyeva tərəfindən “Azərbaycanda aqro/ekoturizmin inkişaf etdirilməsi üzrə Bələdçi kitabı” hazırlanıb. Bələdçi kitabı fermerlərin aqro/ekoturizm fəaliyyətinə başlamasına və ya onu inkişaf etdirməsinə kömək etmək üçün başlanğıc nöqtəsi kimi çıxış edəcək, […]

Read More Jul 5

Lənkəran-Astara iqtisadi rayoununda “Məktəbdən təsərrüfata” proqramı icra olundu.

Şəhər məktəblərində təhsil alan şagirdlər bölgənin aqrar/ekoturizm məkanları ilə tanış oldular. Avropa İttifaqının maliyyə dəstəyi ilə Avrasiya Əməkdaşlıq Fondu və “Konstitusiya” Araşdırmalar Fondu tərəfindən birgə həyata keçirilən “AgriVision” layihəsi çərçivəsində Lənkəran-Astara iqtisadi rayonu ərazisində yerləşən və layihəyə cəlb olunan aqrar/eko-turizm məntəqələrində “Məktəbdən təsərrüfata” proqramı həyata keçirildi. Proqram çərçivəsində 16-25 iyun tarixlərində Bakı və digər şəhər […]

Read More Jul 2