» Bacarıqların artırılması təlimləri

Cənubi Qafqazda qrant təşkilatçılığı və proqram idarəçiliyi sahəsində tanınmış lider olan Avrasiya Əməkdaşlıq Fondunun veb səhifəsinə xoş gəlmisiniz. AƏF, regionda fəaliyyətlərini genişləndirməyə imkan verən proqramları, ideyaları, struktur və ekspertizası kimi başlıca resursları ilə Avrasiya Fondu (AF) Şəbəkəsinin üzvüdür

Bacarıqların artırılması təlİmlərİ

Cənub bölgəsindəki aqrar / ekoturizm xidmət təminatçılarına təlimlər keçirildi

Avropa İttifaqının maliyyə dəstəyi ilə Avrasiya Əməkdaşlıq Fondu və “Konstitusiya” Araşdırmalar Fondu tərəfindən həyata keçirilən “AgriVision” layihəsini çərçivəsində 2021-ci ilin iyul – avqust aylarında Lənkəran iqtisadi rayonunda fəaliyyət göstərən fermer və sahibkarlara  15 gün ərzində 6 fərqli mövzuda bacarıqların artırılması təlimlər keçirilib.

Təlimlərin fermer və sahibkarların tələb və ehtiyaclarına uyğun olmasını təmin etmək üçün daha öncəki mərhələdə ekspert qiymətləndirmələri aparılıb. Xüsusən də aqro / ekoturizm xidmətlərinin özəl təminatçılarının təlim ehtiyacları müəyyən edilib. Ehtiyac olan sahələrə yerli təmanatçılar tərəfindən təqdim olunan qonaqlama və iaşə xidmətləri standartları, müştəri münasibətləri, marketinq, heyəti idarə etmək, strateji və maliyyə planlaşdırması və s. daxil idi. Bu qiymətləndirmələrə əsaslanaraq, AƏF bacarıqların artırılması fəaliyyətlərinin müfəssəl planını hazırladı, həmiçinin bacarıqların artırılması fəaliyyətlərini planlaşdırmaq və həyata keçirmək üçün müvafiq sahələrdən yerli mütəxəssisləri prosesə cəlb etdi.

Bu fəaliyyətlərin əsas hədəf qrupu, seçilmiş turizm məkanlarından olan konsorsiumun üzvləri idi. Bununla belə, AƏF  boş yer və kifayət qədər tələbat olduqda Lənkəran şəhərindən və qonşu cənub rayonlarından seçilmiş konsorsiumlara üzv olmayan aqrar və ekoturizm xidməti təminatçılarını bu tədbirlərə qoşulmağa dəvət etdi. 29 iyun 2021 il tarixdən başlamış 24 avqust 2021 il tarixinə dək davam etmiş təlimlərdə Lənkəran iqtisadi regionundan olan kənd təsərrüfatı sahəsində fəaliyyət göstərən və ən əsası aqro-turizmə marağı olan 111 nəfər sahibkar iştirak etmişdir. İştirakçılar təlimlər zamanı “Aqroturizm sahəsində biznes planın hazırlanması”, “Aqroturizm fəaliyyətinə necə başlamalı”, “Aqroturizm sahəsində marketinq, satış və kommunikasiya”, “Aqro turların təşkili və inkişafı”, “Kiçik bizneslər üçün maliyyə planı və hesabatlılığın təşkili” və “Kiçik aqroturizm məkanlarında səliqə və gigiyena standartları” mövzularında məlumatlara yiyələnmiş və əlavə tədris materiallar ilə təmin olunmuşdurlar.

Aİ layihəsi cənub bölgəsindəki aqro-turizm məkanlarına səfərlər təşkil edir.

“Avropa İttifaqının maliyyə dəstəyi ilə Avrasiya Əməkdaşlıq Fondu və “Konstitusiya” Araşdırmaları Fondu tərəfindən birgə həyata keçirilən “AgriVision” layihəsi çərçivəsində iyul ayının 22, 23 və 24-ü Lənkəran, Astara və Lerik rayonlarında yerləşən aqrar-turizm məkanlarına “Açıq Təsərrüfat Günləri” – ödənişsiz səfərlər təşkil edilir. Nəqliyyat, turizm məkanlarına giriş və çay süfrəsi xərcləri layihə tərəfindən qarşılanır. “Açıq Təsərrüfat Günləri” […]

Read More Jul 15

Azərbaycanda aqro/ekoturizmin inkişaf etdirilməsi üzrə Bələdçi kitabı hazırlanmışdır.

Avropa İttifaqının maliyyə dəstəyi ilə Avrasiya Əməkdaşlıq Fondu və “Konstitusiya” Araşdırmaları Fondu tərəfindən birgə həyata keçirilən “AgriVision” layihəsi çərçivəsində müstəqil yerli ekspertlər Günay Rzazadə və Şəbnəm Nuriyeva tərəfindən “Azərbaycanda aqro/ekoturizmin inkişaf etdirilməsi üzrə Bələdçi kitabı” hazırlanıb. Bələdçi kitabı fermerlərin aqro/ekoturizm fəaliyyətinə başlamasına və ya onu inkişaf etdirməsinə kömək etmək üçün başlanğıc nöqtəsi kimi çıxış edəcək, […]

Read More Jul 5

Lənkəran-Astara iqtisadi rayoununda “Məktəbdən təsərrüfata” proqramı icra olundu.

Şəhər məktəblərində təhsil alan şagirdlər bölgənin aqrar/ekoturizm məkanları ilə tanış oldular. Avropa İttifaqının maliyyə dəstəyi ilə Avrasiya Əməkdaşlıq Fondu və “Konstitusiya” Araşdırmalar Fondu tərəfindən birgə həyata keçirilən “AgriVision” layihəsi çərçivəsində Lənkəran-Astara iqtisadi rayonu ərazisində yerləşən və layihəyə cəlb olunan aqrar/eko-turizm məntəqələrində “Məktəbdən təsərrüfata” proqramı həyata keçirildi. Proqram çərçivəsində 16-25 iyun tarixlərində Bakı və digər şəhər […]

Read More Jul 2